Koreya Mərkəzi Xəbər Agentliyinin (KCNA) mayın 13-də yaydığı məlumata görə, Şimali Koreya lideri Kim Çen In bir sıra hərbi-sənaye müəssisələrini şəxsən ziyarət edib.
Nəşr bildirib ki, “Yoldaş Kim Çen In bir sıra hərbi-sənaye müəssisələrinə baş çəkib və 2026-cı ilin birinci yarısı üzrə hərbi istehsal tapşırıqlarının icra vəziyyəti ilə tanış olub”.
Kim Çen In müxtəlif növ mərmi və güllələrin istehsalında rekord göstəricilər əldə edən müdafiə sənayesi işçilərinə vətənpərvərlik və fədakarlıqlarına görə təşəkkür edib. Bildirilib ki, onların fəaliyyəti silahlı qüvvələrin döyüş qabiliyyətinin əhəmiyyətli dərəcədə artırılmasına töhfə verib.
KXDR lideri eyni zamanda hərbi sənayenin təşkili, istehsal prosesləri və infrastruktur sahəsində bir sıra çatışmazlıqların olduğunu da vurğulayıb. O, əsas vəzifə kimi istehsal güclərinin modernləşdirilməsinin vacibliyini qeyd edib. Buraya məhsul istehsalı strukturunun optimallaşdırılması və texnoloji proseslərin daha səmərəli şəkildə yenidən bölüşdürülməsi daxildir.
İzmedia.az
