İran ABŞ ilə mümkün dolayı danışıqların şərtlərindən biri olaraq Hörmüz boğazından gəmilərin keçidi üçün ödəniş almaq imkanını axtarır.
İzmedia.az xəbər verir ki, “The Wall Street Journal” qəzeti mənbələrinə istinadən məlumat yayıb.
Qəzetin izah etdiyi kimi, ərəb dövlətlərinin nümayəndələri “bir neçə gün ərzində hər iki tərəflə ayrıca danışıqlar aparıblar”. Onların qiymətləndirməsinə görə, ABŞ və İran arasında “böyük fikir ayrılıqları” qalmaqdadır ki, bu da Tehranın irəli sürdüyü tələblərlə bağlı ola bilər.
WSJ mənbələrinə görə, boğaz üzərində nəzarətin “regional neytral komitə” vasitəsilə qurulması təklif olunur. Öz növbəsində, İslam İnqilabı Keşikçiləri Korpusu (İİKK, İran silahlı qüvvələrinin elit bölməsi) guya “İrana Hörmüz boğazından keçən gəmilərdən haqq toplamağa imkan verən yeni bir qaydanın yaradılmasını tələb edir”. Bundan əlavə, qəzet iddia edir ki, İİKK “münaqişənin yenidən başlamamasını tələb edir” və İsrailin Livandakı şiə Hizbullah hərəkatının mövqelərinə zərbələrinə son qoymağa, Fars körfəzindəki Amerika hərbi bazalarının bağlanmasına və dəymiş ziyana görə kompensasiya ödəməyə çalışır.
İzmedia.az
