ABŞ prezidenti Donald Tramp bildirib ki, İran 2025-ci ilin iyununda hücuma məruz qalan obyektlərdən qalan zənginləşdirilmiş uranı ABŞ-a təhvil verməyə razılıq verib.
O, Ağ Evin Cənub Çəmənliyində jurnalistlərə açıqlamasında deyib: “Onlar B-2 bombardmançı təyyarələri ilə etdiyimiz hücuma görə yeraltında qalan nüvə tozunu bizə geri verməyə razılaşıblar”.
The Washington Post yazır ki, Trampın “nüvə tozu” ifadəsi Beynəlxalq Atom Enerjisi Agentliyinin iyun ayında ABŞ-ın İranın üç əsas nüvə obyektinə endirdiyi zərbələrdən sonra yeraltında qaldığını bildirdiyi yüksək zənginləşdirilmiş uranı təsvir etmək üçün istifadə olunur.
Tramp əlavə edib ki, ABŞ-ın İranla çoxlu razılaşmaları var və yaxın zamanda “çox müsbət və vacib” inkişafların baş verəcəyini gözləyir. O, həmçinin “Truth Social” platformasında İranın artıq uran zənginləşdirməyəcəyini yazıb.
Hadisələrin xronologiyasına görə, 13 iyun səhəri İsrail İrana qarşı hərbi əməliyyata başlayıb, İran isə qısa müddət sonra cavab verib. 22 iyun ABŞ İranın üç nüvə obyektinə zərbə endirib, ardınca İran Qətərdəki Əl-Udeyd hava bazasını raketlə hədəfə alıb.
Daha sonra 24 iyunda Tramp İsrail və İran arasında tam atəşkəs razılaşması əldə olunduğunu açıqlayıb.
Əvvəlki mərhələdə isə ABŞ və İsrailin İrana qarşı əməliyyatları, atəşkəs cəhdləri və danışıqlar raundları ilə bağlı proseslər davam etmişdi.
İzmedia.az
