“Bizim tövsiyəmiz aydındır: 10 maydan etibarən 42 gün ərzində aktiv tibbi müşahidə ilə karantin tətbiq edilməlidir”, – deyə o, Kanar adalarında lövbər salmış gəmidən sərnişinlərin təxliyəsinin ilk günündən sonra keçirilən brifinqdə bildirib.
Qebreyesus vurğulayıb ki, ÜST üzv ölkələrə tövsiyələr verir, lakin onların icrasını məcburi şəkildə tətbiq etmir.
Təxminən 150 sərnişinin olduğu kruiz gəmisi əsasən ABŞ, Böyük Britaniya, İspaniya və Niderland vətəndaşlarından ibarət olub. Gəmi üç həftə əvvəl Argentinanın Uşuaya limanından yola düşərək Kanar adalarına doğru hərəkət edib və Atlantik okeanında bir neçə dayanacaq edib.
Hantaviruslar insanlarda hantavirus ağciyər sindromu (HPS) və böyrək sindromlu hemorragik qızdırma (HFRS) kimi ağır, hətta ölümcül nəticələrə səbəb ola bilən infeksion xəstəliklər törədə bilir. Yoluxma əsasən gəmiricilərlə təmas, eləcə də onların sidiyi, nəcisi və tüpürcəyi ilə təmas nəticəsində baş verir.
İzmedia.az
