İran Xarici İşlər Nazirliyinin sözçüsü İsmayıl Bəqayi bildirib ki, Tehran ABŞ-ın son təklifinə cavab məsələsini hazırda nəzərdən keçirir.
O bildirib: “14 bənddən ibarət İran qətnaməsinin ilkin mətninə əsasən, tərəflər arasında bir neçə dəfə mesaj mübadiləsi aparılıb”.
“Biz Amerika tərəfinin fikirlərini almışıq və hazırda onları öyrənirik”, – deyə Bəqayi əlavə edib.
Məlumata görə, Vaşinqton və Tehran təklif olunan atəşkəs sənədinin mətni ilə bağlı Pakistan vasitəsilə mesaj mübadiləsi aparırlar.
Bundan əvvəl Tasnim xəbər agentliyi məlumatlı mənbəyə istinadən ABŞ-ın İrana göndərdiyi təkliflərə cavabın Pakistan vasitəsilə çatdırıldığını bildirmişdi.
Mənbənin sözlərinə görə, Tehran təqdim olunan mətni nəzərdən keçirir, lakin hələlik yekun cavab hazırlanmayıb.
İzmedia.az
