Danimarka Ukraynanın Enerji Dəstək Fonduna 10 milyon avrodan çox əlavə ianə edib. Bu barədə ölkənin Energetika Nazirliyi məlumat verib.
10,66 milyon avro məbləğində yeni töhfə fond çərçivəsində Danimarkanın maliyyə yardımının ümumi məbləğini 78,5 milyon avrodan çoxa çatdırır.
Ukrayna Baş nazirinin birinci müavini və energetika naziri Denis Şmıxal bildirib ki, “Bu, xüsusilə qarşıdan gələn qış dövrünə hazırlıq prosesində Ukraynanın enerji sabitliyi üçün vacib bir dəstəkdir”.
Daha əvvəl bildirilmişdi ki, İsveç də Ukrayna Enerji Dəstək Fonduna 120 milyon avrodan çox əlavə maliyyə vəsaiti köçürüb. Bundan əlavə, İsveç hökuməti qışdan əvvəl enerji sektorunu dəstəkləmək üçün 2026-cı il üçün Ukraynaya təxminən 140 milyon avro məbləğində yeni yardım paketi ayırmaq qərarına gəlib.
İyun ayının sonunda Estoniya fonda əlavə 125 min avro ianə edib.
İzmedia.az
