İsrailin Baş naziri Binyamin Netanyahu ABŞ Prezidenti Donald Trampla görüş barədə razılığa gələ bilmədikdən sonra gələn həftə ABŞ-a planlaşdırılan səfərini ləğv edib. Bu barədə İsrailin I24 telekanalı mənbələrə istinadən məlumat yayıb.
Telekanal izah edib ki, “görüşün tarixi heç vaxt təyin olunmayıb, onun gündəliyi və ya gözlənilən nəticələr barədə ilkin razılaşmalar əldə edilməyib”.
Mənbələrə görə, son günlərdə səfər zamanı Netanyahu ilə Tramp arasında görüş təşkil etmək üçün “intensiv səylər” göstərilsə də, “bu səylər nəticədə uğursuzluğa düçar olub”.
Cümə axşamı günü İsrail Baş Nazirinin Ofisi səfərin təxirə salınmasının Netanyahunun iştirak etməyi planlaşdırdığı senator Lindsi Qrahamın dəfn mərasiminin tarixində dəyişikliklə əlaqəli olduğunu bildirib. Lakin I24-ün məlumatına görə, səfərin ləğvi qərarı yalnız cədvəl mülahizələri ilə bağlı deyil.
I24-ün qeyd etdiyi kimi, Vaşinqton və Tehran arasında anlaşma memorandumunun pozulmasından sonra diplomatik fon xeyli mürəkkəbləşib.
Mənbə kanala bildirib ki, “Netanyahu hazırda Ağ Evdə şəkil çəkdirməkdə maraqlı deyil. Sadəcə, bu, uyğun vaxt deyil”.
İzmedia.az
