Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik TASS-a müsahibəsində ABŞ və Avropa İttifaqının bir-birinin imkanlarından yararlanmağa çalışdığını bildirib. Onun sözlərinə görə, avropalılar Ukraynadakı münaqişəni davam etdirmək üçün Vaşinqtonun hərbi-texnoloji imkanlarından və enerji resurslarından istifadə etmək niyyətindədirlər.
Miroşnik vurğulayıb ki, ABŞ-ni Aİ-nin texnoloji inkişafı deyil, daha çox maliyyə qazancı, Avropadan beyin axını, eləcə də mövcud sənaye sahələrinin Amerika ərazisinə köçürülməsi maraqlandırır. Səfir bunun ABŞ Prezidenti Donald Trampın strategiyası olduğunu və təkcə xidmət sektoruna söykənərək inkişaf etməyin qeyri-mümkünlüyünün dərk edilməsindən qaynaqlandığını əlavə edib.
İzmedia.az
