Türkiyə İxracatçılar Birliyi 2026-cı ilin yanvar-avqust dövrü üçün Türkiyənin ixrac rəqəmləri ilə bağlı məlumatları dərc edib. Ermenihaber.am saytının məlumatına görə, ötən ilin eyni dövrü ilə müqayisədə ixrac həcminin 4% artaraq 177,9 milyard dollardan 185 milyard dollara çatdığı qeyd olunur .
Türkiyənin 8 qonşu ölkəyə – Azərbaycan, Bolqarıstan, Gürcüstan, İran, İraq, Suriya, Yunanıstan və Ermənistana ixracı artıb. Yanvar-avqust dövründə yuxarıda göstərilən ölkələrə ixrac 2,6% artaraq 17 milyard 762 milyon 593 min dollardan 18 milyard 226 milyon 225 min dollara çatıb. Keçən ilin eyni dövrü ilə müqayisədə ixrac həcmi 463,6 milyon dollar artıb.
Qonşu ölkələr arasında Türkiyəyə ən çox ixracat İraq (5 milyard 758 milyon 899 min dollar) tərəfindən həyata keçirilib. İraqı 3 milyard 439 milyon 40 min dollarlıq ixrac göstəricisi ilə Bolqarıstan izləyir. Bolqarıstanı 2 milyard 293 milyon 38 min dollarlıq ixrac göstəricisi ilə Yunanıstan, 1 milyard 949 milyon 857 min dollarlıq Gürcüstan, 1 milyard 675 milyon 429 min dollarlıq ixrac göstəricisi ilə Suriya, 1 milyard 566 milyon 709 min dollarlıq ixrac göstəricisi ilə İran və 1 milyard 541 milyon 916 min dollarlıq ixrac göstəricisi ilə Azərbaycan izləyir.
Qeyd etmək lazımdır ki, Türkiyənin Ermənistana ixracla bağlı rəsmi məlumatları ilk dəfə dərc etməsidir. Əvvəllər Türkiyə ilə Ermənistan arasında birbaşa quru ticarətinin olmadığı bildirilirdi. İndi isə rəsmi olaraq bildirilir ki, 2026-cı ilin yanvar-avqust ayları ərzində Türkiyə Ermənistana 1 milyon 336 min dollar dəyərində mal ixrac edib.
İzmedia.az
