Avropa İttifaqı (Aİ) Ukraynanın təşkilata inteqrasiyası prosesi çərçivəsində rəsmi olaraq daha iki nəzarət klasteri — “Daxili Bazar” və “Rəqabətlilik və İnklüziv Artım” istiqamətləri üzrə danışıqlara başlayıb. Qərar oktyabrın 13-də Lüksemburqda keçirilən Ukrayna-Aİ Hökumətlərarası Konfransında elan edilib. Aİ Şurasına sədrlik edən İrlandiyanın Avropa İşləri və Müdafiə Naziri Tomas Birn Aİ-yə üzv olan 27 ölkənin hər birinin bu addımı yekdilliklə dəstəklədiyini bildirib.
Açılan “Daxili Bazar” klasteri vahid Avropa bazarının fəaliyyəti, malların, xidmətlərin və kapitalın azad hərəkətini tənzimləyən qanunvericilik paketlərini əhatə edir. “Rəqabətlilik və İnklüziv Artım” istiqaməti isə iqtisadi siyasət, rəqəmsal transformasiya, vergi və sənaye standartlarının Aİ normativlərinə uyğunlaşdırılmasına cavabdehdir. 2026-cı ilin iyununda “Əsaslar” və iyulunda “Xarici Əlaqələr” klasterlərini açan Kiyev, bu qərarla üzvlük üçün tələb olunan 6 əsas tematik qrupdan 4-ü üzrə aktiv danışıqlar fazasına keçmiş olub.
İzmedia.az
