ABŞ-ın baş prokuroru vəzifəsini icra edən Todd Blanche mayın 28-də bildirib ki, ABŞ Kuba keçmiş lideri Raul Castronun məhkəməyə çıxarılması və bu məqsədlə onun ABŞ-a gətirilməsi istiqamətində addımlar atmaq niyyətindədir.
Blanş “Fox News” kanalına açıqlamasında deyib ki, ABŞ yurisdiksiyasından kənarda ittiham olunan digər şəxslərdə olduğu kimi, məqsəd təqsirləndirilən şəxsi ölkəyə gətirərək məhkəmə qarşısına çıxarmaqdır.
O bildirib: “Cənab Kastroya gəldikdə, bu ölkədən kənarda ittiham olunan hər hansı digər şəxs kimi məqsəd onu bu ölkəyə gətirməkdir”.
Blanş ABŞ-ın bunu ekstradisiya yolu ilə həyata keçirməyi planlaşdırdığını qeyd edib və eyni zamanda Venesuela prezidenti Nikolas Maduroya qarşı istifadə edilən “adam oğurluğu” variantına da istinad edib.
“Bunu necə edəcəyik? Maduro ifrat bir nümunədir, amma adətən biz bunu ekstradisiya yolu ilə edirik”, – deyə o vurğulayıb.
“The New York Times” qəzetinin mayın 16-da yaydığı məlumata görə, ABŞ hakimiyyəti Maduroya qarşı istifadə olunan modelə bənzər şəkildə Raul Kastroya təzyiq göstərmək, o cümlədən cinayət təqibi və mümkün götürülmə variantlarını da nəzərdən keçirir. Nəşrin mənbələrinə əsasən, bu yanaşma Havana hökumətinə siyasi təzyiq vasitəsi kimi qiymətləndirilir.
İzmedia.az
