ABŞ Mərkəzi Komandanlığı İrana qarşı bir sıra yeni zərbələr endirib.
“ABŞ qüvvələri İranın Hörmüz boğazından keçən ticarət gəmilərindəki mülki şəxsləri təhdid etmək qabiliyyətini daha da azaltmaq üçün İranın komandanlıq mərkəzlərinə, hava hücumundan müdafiə qurğularına, raket və pilotsuz təyyarə qurğularına və sahil müşahidə vasitələrinə zərbələr endirib. ABŞ Mərkəzi Komandanlığı Bəndər Abbas da daxil olmaqla bir çox yerdəki hədəfləri vurmaq üçün dəqiq idarə olunan sursatlardan istifadə edib.”
ABŞ ordusu bildirib ki, daha əvvəl ABŞ qüvvələri Böyük Tunb adasındakı sahil müdafiə sistemlərinə və qanadlı raket mərkəzlərinə 90 dəqiqəlik zərbə endirib.
“Pars Today” qəzetinin məlumatına görə, Küveytdən İrana doğru ATACMS qısa mənzilli ballistik raket buraxılıb.
ABŞ-ın həmçinin Əhvaz xəstəxanasının ətrafındakı əraziyə zərbələr endirdiyi və xəstəxananın təxliyə edildiyi bildirilir. Xəstəxanada xərçəng xəstəsi olan uşaqlar müalicə olunur.
Press TV-nin məlumatına görə, ABŞ-ın Semnan hava limanına endirdiyi hava hücumunda heç kim xəsarət almayıb. Yan anqar zədələnib və bir neçə pəncərə sındırılıb.
İzmedia.az
