ABŞ Nümayəndələr Palatası prezident Donald Trampdan İrana qarşı hərbi əməliyyatları dayandırmağı tələb edən qətnaməni təsdiqləyib.
214 konqresmen lehinə, 208 nəfər əleyhinə səs verib. Təşəbbüsü hakim Respublikaçılar Partiyasını təmsil edən Konqresin aşağı palatasının dörd üzvü də dəstəkləyib.
Qətnamə “Prezidentə İslam Respublikasına qarşı hərbi əməliyyatlarda ABŞ hərbi qüvvələrinin istifadəsini dayandırmağı tapşırır” və mümkün quru əməliyyatlarını faktiki olaraq qadağan edir. Eyni zamanda, qətnamə ABŞ icra hakimiyyəti üçün məcburi deyil və tövsiyə xarakteri daşıyır. Bu cür sənədlərdə qanunvericilər öz mövqelərini ifadə edirlər və Amerika administrasiyasının onları görməməzlikdən gəlmək hüququ var.
ABŞ Konstitusiyası müharibə elan etmək səlahiyyətini prezidentə deyil, Konqresə verir. Lakin son onilliklərdə Amerika liderləri qanunvericilərin xaricdə hərbi güc tətbiq etmək, o cümlədən mahiyyət etibarilə yeni əməliyyatlara başlamaq üçün onlara verdiyi səlahiyyətləri çox geniş şəkildə şərh ediblər.
Oxşar qətnamənin yaxın saatlarda Konqres Senatında da səsə qoyulacağı istisna edilmir.
İzmedia.az
