Səudiyyə Ərəbistanı, Türkiyə və Pakistan rəsmilərinin Ər-Riyadda keçirilən görüşü avqust ayında imzalanmış Məkkə Birgə Müdafiə Sazişinin icrası baxımından “ilk real sınaq” kimi qiymətləndirilir.
Doha Lisansüstü Araşdırmalar İnstitutunun media tədqiqatları professoru Məhəmməd Elmasri “Al Jazeera”ya müsahibəsində bildirib ki, üç ölkə müdafiə əməkdaşlığının genişləndirilməsi üzrə razılığa gəlsə də, hərbi mexanizmlərin necə işləyəcəyinə dair bəzi detalların dəqiqləşdirilməsinə ehtiyac var.
Görüş Yəmən hökumətinin İran tərəfindən dəstəklənən husilərə qarşı genişmiqyaslı hərbi əməliyyatlara başladığı vaxta təsadüf edir. Analitiklərin fikrincə, gündəmdəki əsas məsələ Ər-Riyadın husilərə qarşı mübarizədə Ankara və İslamabaddan dəstək tələb etməsidir:
-
Mütəffəqlərin mövqeyi: Türkiyə və Pakistanın müəyyən səviyyədə dəstək verməyə hazır olduğu, lakin bu köməyin miqyası və formasının müzakirə mövzusu olduğu bildirilir.
-
Geopolitik zamanlama: İslamabad artıq müəyyən hərbi və logistik dəstək göndərsə də, regionda davam edən ABŞ-İsrail müharibəsi fonunda tərəfdaşların yeni bir genişmiqyaslı münaqişəyə cəlb olunmaqda ehtiyatlı davrandığı vurğulanır.
İzmedia.az
