Rusiya Müdafiə Nazirliyinin açıqlamasına görə, Rusiya hava hücumundan müdafiə qüvvələri son 24 saat ərzində iki “Neptun” uzaqmənzilli raketini və 693 Ukraynaya məxsus sabit qanadlı pilotsuz uçuş aparatını vurub.
Bəyanatda qeyd olunur:
“Hava hücumundan müdafiə qüvvələri 12 ədəd ağıllı bomba, ABŞ istehsalı olan üç HIMARS raketi, iki ‘Neptun’ uzaqmənzilli raketi və 693 sabit qanadlı dronu məhv edib”.
Nazirliyin məlumatına görə, Moskvanın xüsusi hərbi əməliyyatının başlanmasından indiyədək Ukrayna ordusu ümumilikdə 671 təyyarə, 284 helikopter, 132 011 pilotsuz uçuş aparatı, 653 raket sistemi, 28 725 tank və digər zirehli döyüş texnikası, 1 696 çoxsaylı buraxılış raket sistemi, 34 308 səhra artilleriya qurğusu və minaatan, həmçinin 58 752 xüsusi təyinatlı hərbi avtomobil itirib.
İzmedia.az
