Ukrayna Prezidenti Vladimir Zelenski Rusiyanı üç günlük atəşkəsin başa çatmasından sonra bir gecədə Ukrayna ərazisinə təxminən 200 dron göndərməkdə ittiham edib.
Zelenskinin sözlərinə görə, Moskva mövcud “nisbi sükutu” pozmaq qərarı verib və bu addım atəşkəs rejiminin davamlılığını sual altına alır.
“Rusiya sükutu pozmaq qərarına gəlib. Biz Rusiyanın hər hansı addımına cavab verəcəyimizi bildirmişdik”, – deyə Zelenski sosial şəbəkə paylaşımında qeyd edib.
Digər tərəfdən, Rusiya tərəfi ABŞ Prezidenti Donald Trampın cümə günü elan etdiyi atəşkəs müddəti bitdikdən sonra təxminən 30 Ukrayna dronunun vurulduğunu açıqlayıb.
Hadisə tərəflər arasında atəşkəs rejimi ətrafında gərginliyin davam etdiyini göstərir.
İzmedia.az
