Rusiyanın Ermənistana kənd təsərrüfatı ixracının 98%-i düşür
Moskva Ermənistana misilsiz iqtisadi dəstək göstərməyə davam edir, lakin İrəvan rəhbərliyi buna cavab olaraq bir sıra “dost olmayan addımlar” atır. Bu fikri Rusiya Təhlükəsizlik Şurasının katibi Sergey Şoyqu xüsusi işçi qrupunun iclasında səsləndirib.
Şoyqu bildirib ki, Rusiya həm Ermənistanın əsas ixrac, həm də idxal tərəfdaşıdır. Onun sözlərinə görə, Ermənistana qaz, gübrə və yanacaq bazar qiymətindən üç dəfə ucuz qiymətə tədarük olunur. 2022-ci ildən bəri bu əməkdaşlıq Ermənistan ÜDM-inin təxminən 40% artmasına töhfə verib.
Xüsusi diqqət çəkən məqam isə ondan ibarətdir ki, Ermənistanın kənd təsərrüfatı məhsullarının 98%-i Rusiyaya ixrac olunur. Şoyqu əlavə edib ki, Ermənistan vətəndaşları Rusiyada kvota və icazəsiz işləyir, ölkəyə isə təxminən 3,9 milyard dollar pul köçürürlər ki, bu da Ermənistan ÜDM-in təxminən 13%-nə bərabərdir.
Eyni zamanda, Rusiya Təhlükəsizlik Şurasının katibi İrəvanın bəzi addımlarını sərt tənqid edib. Bunlara Beynəlxalq Cinayət Məhkəməsinin Roma Statutuna qoşulmaq və Ermənistanda keçirilən sammitdə Vladimir Zelenskinin çıxışına platforma verilməsi daxildir. O, sonuncu addımı “erməni yaddaşına hörmətsizlik” kimi qiymətləndirib.
Beləliklə, Moskva mesaj verir ki, əməkdaşlıqdan əldə olunan fayda qarşılıqlı olmalıdır.
