Kremlin mətbuat katibi Dmitri Peskov jurnalistlərə bəyan edib ki, Rusiya Avropa ölkələri tərəfindən həyata keçirilən son dərəcə aqressiv siyasətlə qarşı-qarşıyadır. Peskovun sözlərinə görə, Moskvanı Avropaya qarşı təcavüzkar addımlarda ittiham edən iddialar reallığı əks etdirmir və dezinformasiyadan başqa bir şey deyil.
Kreml rəsmisi vurğulayıb ki, eskalasiyanın mənbəyi məhz Qərb dövlətləridir:
“Rusiya Avropa ölkələrindən çox aqressiv siyasətlə üzləşir. Bu təcavüz konkret olaraq Avropa ölkələrindən gəlir. Əks iddialar reallığı təhrif edir və media şayiələrindən başqa bir şey deyil.”
Peskov əlavə edib ki, Qərb mediasında Rusiyanın NATO-ya qarşı guya hansısa hücum planlarının olması barədə yayılan məlumatlar süni şəkildə yaradılmış “qorxulu hekayələrdir” və bu iddiaların Rusiyanın real niyyətləri ilə heç bir əlaqəsi yoxdur.
İzmedia.az
