Türkiyənin xarici işlər naziri Hakan Fidan və İspaniyanın xarici işlər naziri Xose Manuel Albares Bueno İsrailin Qlobal Donanmaya qarşı qanunsuz müdaxiləsinin beynəlxalq hüququn pozulması olduğunu vurğulayıblar.
izmedia.az xəbər verir ki, Xarici İşlər Nazirliyinin sözçüsü Öncü Keçeli X sosial media hesabında xarici işlər naziri Hakan Fidan ilə İspaniyanın xarici işlər naziri Xose Manuel Albares Buenonun telefon danışığı ilə bağlı açıqlama verib.
Keçeli bildirib ki, danışıq zamanı İsrail qüvvələrinin Krit sahilləri yaxınlığında beynəlxalq sularda üzən Qlobal Donanmaya qarşı qanunsuz müdaxiləsinin müxtəlif millətlərdən olan çoxsaylı mülki şəxslərin həyatını təhlükəyə atdığı və beynəlxalq hüququ pozduğu vurğulanıb.
Mətbuat katibi Keçeli qeyd edib ki, danışıqda beynəlxalq ictimaiyyətin bu qanunsuz müdaxiləyə qarşı vahid mövqe tutmasının vacibliyi vurğulanıb.
QLOBAL DONANMA
Qlobal Donanmanın İsrailin Qəzzaya qarşı blokadasını yarmaq və humanitar yardım çatdırmaq məqsədi daşıyan “Yaz Missiyası 2026” 12 apreldə İspaniyanın Barselona şəhərindən Qəzzaya yola düşüb. Donanma marşrut boyunca İtaliyanın Siciliya adası yaxınlığında yeni iştirakçıların qoşulması ilə qayıqların sayını artırıb və 26 apreldə Aralıq dənizinə çıxıb.
İsrail mediası İsrail donanmasının 29 aprel axşamı Aralıq dənizinin beynəlxalq sularında Qlobal Donanmaya qarşı müdaxiləyə başladığını bildirib. Qayıqlarda olan fəallar bildiriblər ki, İsrail ordusuna məxsus qüvvələr 29 aprel saat 23:00 radələrində Kritdən təxminən 50 mil qərbdə beynəlxalq sularda qayıqları mühasirəyə almağa və təqib etməyə başlayıblar. Fəallar müdaxilənin qısa müddət sonra başladığını və donanma rəsmilərinin bir çox qayıqla əlaqəni itirdiyini açıqladıqlarını bildiriblər.
Donanma rəsmilərinin sözlərinə görə, gəmilərdə türklər də daxil olmaqla 39 müxtəlif ölkədən 345 iştirakçı var. 2025-ci ilin sentyabrında Qlobal “Sumud” Donanmasının ilk cəhdində İsrail ordusu Aralıq dənizinin beynəlxalq sularında donanmanı qanunsuz olaraq dayandırıb, qayıqlara zorla çıxıb, könüllüləri saxlayaraq İsrailə aparıb
