“The Wall Street Journal” qəzetinin məlumatına görə, ABŞ prezidenti Donald Tramp Vaşinqtonun Səudiyyə Ərəbistanının dinc nüvə proqramına dəstəyi ilə bağlı razılaşmanı rəsmi olaraq təsdiqləyib.
Yeni 30 illik müqavilə on milyardlarla dolların ayrılmasını nəzərdə tutur. Nüvə infrastrukturunun inkişafında əsas rol Amerika şirkətlərinə həvalə ediləcək. Sazişin əsas müddəası Səudiyyə Ərəbistanında uran zənginləşdirmə qurğusunun tikintisidir (tərəflər belə bir addımı haqlı hesab etsələr).
Sazişin yaxın günlərdə baxılması üçün ABŞ Konqresinə göndəriləcəyi gözlənilir.
CNN daha əvvəl ABŞ administrasiyasının razılaşmaya ilkin razılıq verdiyini bildirmişdi. Saziş müəyyən məhdudiyyətləri əhatə edir, lakin onların nə olacağı hələlik məlum deyil. CNN vurğulayıb ki, layihə sənədi krallığı Beynəlxalq Atom Enerjisi Agentliyi (BAEA) ilə təhlükəsizlik sazişinə əlavə protokol imzalamağa məcbur etmir.
İzmedia.az
