İran Xarici İşlər Nazirliyi ABŞ hərbi qüvvələrinin Laraq adasına endirdiyi zərbələri ölkənin suverenliyi və ərazi bütövlüyünün kobud şəkildə pozulması kimi qiymətləndirib. “Press TV”nin verdiyi məlumata görə, xarici siyasət idarəsi məsələ ilə bağlı sərt bəyanat yayıb.
Daha əvvəl “Fars” agentliyi Hörmüz boğazında yerləşən Laraq adasında bir neçə güclü partlayışın baş verdiyini xəbər vermişdi. “Axios”un jurnalisti Barak Ravid amerikalı rəsmi mənbəyə istinadən ABŞ-ın adadakı İran raket buraxılış qurğularına nöqtəli zərbələr endirdiyini bildirib. ABŞ Mərkəzi Komandanlığı (CENTCOM) isə əməliyyatın İran qüvvələrinin Hörmüz boğazına dəniz minaları döşəməsinin qarşısını almaq məqsədilə həyata keçirildiyini bəyan edib.
“Press TV”nin son məlumatına görə, Tehran hücuma cavab olaraq Hörmüz boğazında yerləşən ABŞ hərbi gəmilərinə və Yaxın Şərqdəki Amerika hərbi bazalarına raket zərbələri endirib.
İzmedia.az
