İsrail ordusunun davam edən hava zərbələri və pilotsuz uçuş aparatlarının (PUA) aramsız fəaliyyəti Qəzza zolağında mülki əhali üçün ciddi təhlükə yaratmaqda davam edir. Sakinlər küçələrin ortasında nəqliyyat vasitələrinin hədəf alınması və tez-tez mülki şəxslərin yaralanması səbəbindən bölgədə təhlükəsizliyin olmadığını bildirirlər.
Hava hücumları və partlayış riskləri valideynlərin uşaqlarını məktəbə göndərməsinə mane olur. Günün istənilən vaxtı baş verən zərbələr yerli əhali arasında qorxunu artırır.
Bununla yanaşı, yaxınlaşan qış fəsli bölgədəki humanitar vəziyyəti daha da mürəkkəbləşdirir. Yağışlı və soyuq havanın yaxınlaşması fonunda fələstinlilər yalnız hava zərbələrindən deyil, həm də əlverişsiz hava şəraitindən mühafizə olunmaq üçün sığınacaq imkanlarını məhdud şəraitdə planlaşdırmağa çalışırlar.
İzmedia.az
