“United Airlines” aviaşirkətinə məxsus Vaşinqton–Amsterdam marşrutu üzrə reys həyata keçirən sərnişin təyyarəsi Atlantik okeanı üzərindən uçarkən göyərtədə yaranan təcili vəziyyətlə bağlı təhlükə siqnalı verib. Uçuş radarlarının məlumatına əsasən, təyyarə ekipajı qəfildən “ümumi təcili vəziyyət” rejimini bildirən universal “Squawk 7700” transponder kodunu aktivləşdirərək dərhal marşrutu dəyişib və Kanadaya tərəf yönəlib.
Göyərtəsində sərnişinlərin olduğu təyyarə Kanadanın Nyuflaundlend və Labrador əyalətində yerləşən Sent-Con Beynəlxalq Hava Limanına təhlükəsiz şəkildə təcili eniş edib. Hadisə zamanı xəsarət alan olmayıb. Aviaşirkət və hava limanı rəsmiləri təcili enişə səbəb olan texniki və ya tibbi şəraitin təfərrüatlarını dəqiqləşdirmək üçün araşdırmalara başlayıblar.
İzmedia.az
