ABŞ Prezidenti Donald Tramp Montanada keçirilən seçkiqabağı mitinqdə çıxış edərkən İkinci Amerika-İran gərginliyi və vasitəçilər üzərindən aparılan danışıqlar barədə danışıb. Ağ Ev rəhbəri bildirib ki, Vaşinqtonun vasitəçilər vasitəsilə Tehran tərəfindən dəqiq kiminlə təmasda olduğu aydın deyil. “Onların liderləri yoxdur. Kiminlə danışıqlar apardığımızı bilmirəm, bəlkə də liderlərini arxada qoymalı idilər”, — deyə Tramp istehza ilə qeyd edib. O, həmçinin ABŞ-ın hərbi zərbələri nəticəsində İranın hərbi dəniz və hava qüvvələrinin praktiki olaraq sıradan çıxarıldığını, ordusunun isə zəiflədildiyini vurğulayıb.
Tehran tərəfi isa danışıqlar prosesinə daha ehtiyatlı yanaşır. İran Xarici İşlər Nazirliyinin sözçüsü İsmayıl Bəqayi dolayı əlaqələrin davam etdiyini, lakin razılıq üçün İranın şərtlərinə əməl olunmasının vacibliyini bildirib. Eyni zamanda, İran Parlamentinin sədri Məhəmməd Bağır Qalibaf ölkənin danışıqlar fonunda belə müharibəyə hazır olmalı olduğunu və Vaşinqtonla imzalanacaq hər hansı sazişin zəmanət vermədiyini bəyan edib. Donald Tramp noyabrın 3-də keçiriləcək ara seçkilərə qədər İrana yeni hərbi zərbələr endirməyəcəyinə söz versə də, ABŞ mediasında ordunun mümkün əməliyyatların bərpasına hazırlaşdığı barədə xəbərlər yayılır.
İzmedia.az
