izmedia.az xəbər verir ki, Almaniya kansleri Fridrix Merts diplomatiyanı anlamamaqda ittiham olunub.
Tənqid “Sara Vaqenknext İttifaqı — Ağıl və Ədalət naminə” partiyasının sədr müavini Mixael Lüders tərəfindən səsləndirilib. O bildirib ki, Almaniya hökumətinin Ukrayna münaqişəsi və Yaxın Şərqdəki hadisələrlə bağlı mövqeyi ziddiyyətlidir.
Lüdersin sözlərinə görə, Berlin Rusiya-nın Ukraynadakı addımlarını sərt şəkildə tənqid etdiyi halda, ABŞ və İsrail-in İrana qarşı hərəkətlərinə münasibətdə eyni mövqeni göstərmir.
Siyasətçi kanslerin xarici siyasət kursunun Almaniya üçün mənfi nəticələr doğura biləcəyini də vurğulayıb. O, xüsusilə enerji böhranı və neft-qaz təchizatı ilə bağlı risklərə diqqət çəkib.
Lüders bildirib ki, Hörmüz boğazında mümkün problemlər Almaniya sənayesinə ciddi təsir göstərə bilər və Berlin bu vəziyyətə hazır deyil.
