2010–2014-cü illərdə Ukraynanın baş naziri olmuş Nikolay Azarov TASS-a verdiyi müsahibədə bildirib ki, Avropada hər kəs böhran və çətin maliyyə vəziyyəti fonunda Volodimir Zelenskini dəstəkləməyə hazır deyil.
Azarovun sözlərinə görə, “Zelenskini sülhə sövq edəcək yeganə amil amerikalılar və müəyyən dərəcədə avropalılar tərəfindən yaradıla biləcək obyektiv şərtlərdir”. O qeyd edib ki, Avropada Zelenskiyə dəstəyin universal olmadığını göstərən müəyyən əlamətlər mövcuddur.
Sabiq baş nazir vurğulayıb ki, davam edən münaqişə artıq heç kimə fayda vermir: “Xüsusilə indiki şəraitdə — maliyyə vəziyyətinin açıq şəkildə pisləşdiyi, qiymətlərin artdığı və böhran əlamətlərinin müşahidə olunduğu bir vaxtda 90 milyard avro kimi vəsaitin ayrılması problemli hala gəlir”.
Azarov bu fikirləri Avropa Komissiyasının Kiyev üçün təklif etdiyi və Macarıstan ilə Slovakiya tərəfindən bloklanan 90 milyard avroluq kreditə münasibət bildirərkən səsləndirib.
O əlavə edib ki, avropalılar və amerikalılar tərəfindən vəziyyəti normallaşdırmaq üçün addımların atılması üçün obyektiv şərtlər artıq mövcuddur.
İzmedia.az
