ABŞ Dövlət Departamenti HAWK zenit-raket sisteminin fəaliyyətinin təmin olunması məqsədilə Ukraynaya 108 milyon dollardan çox dəyərində avadanlığın mümkün satışını təsdiqləyib. Bu barədə qurumun mətbuat xidməti məlumat yayıb.
Dövlət Departamentinin açıqlamasında deyilir:
“ABŞ Dövlət Departamenti Xarici Hərbi Satış proqramı çərçivəsində Ukrayna hökumətinə HAWK (FrankenSAM HAWK) yer-hava raket sistemlərinin mümkün satışını təsdiqləmək qərarına gəlib”.
Məlumata görə, layihənin əsas podratçısı Sierra Nevada Corporation şirkəti olacaq.
Bəyanatda həmçinin qeyd olunub ki, müqavilə ABŞ-ın milli maraqlarına uyğundur və regionda mövcud güc balansına təsir göstərməyəcək.
İzmedia.az
