İranın IRIB xəbər agentliyinin verdiyi məlumata görə, İranın Bəndər Abbas və Ümidiyyə şəhərlərində, eləcə də Qeşm adasında bir sıra partlayışlar eşidilib .
Qısa müddət sonra agentlik partlayışların İranın cənub-qərbindəki Əndimeşk şəhərində, cənub-şərqində Konarakda, qərbində Xorramabadda və Mərkəzi İranın cənubunda Firuzabadda da baş verdiyini bildirib.
Fars xəbər agentliyinin məlumatına görə, partlayışlar barədə məlumatlar İranın cənubundakı Bəndər-e-Cəsk şəhərindən də gəlib.
Öz növbəsində, İRNA xəbər agentliyi ən azı iki ABŞ raketinin İranın mərkəzindəki Xondab şəhərinin kənarına düşdüyünü bildirib.
Digər detallar hələlik məlum deyil.
Daha əvvəl ABŞ Mərkəzi Komandanlığı (CENTCOM) İrana qarşı yeni hücum dalğasının başladığını elan etmişdi. Fars xəbər agentliyi, elanla demək olar ki, eyni vaxtda İranın cənub-qərbindəki Əhvaz şəhərində bir neçə partlayış səsinin eşidildiyini bildirib.
İzmedia.az
