İran Xarici İşlər Nazirliyinin rəsmi nümayəndəsi İsmayıl Baqai bildirib ki, Tehran İran gəmisi ilə bağlı insidentlə əlaqədar Kiyevin bəraət qazandırma cəhdlərini qəbul etmir və dəymiş zərərin ödənilməsinə nail olmaq niyyətindədir. Bu barədə İRNA agentliyi məlumat yayıb.
O vurğulayıb ki, əgər Ukrayna törətdiyi hücuma görə zərərin əvəzini ödəməsə, İran adekvat cavab tədbirləri görəcək:
“Biz Ukrayna tərəfinin bu insidentin qəsdən olmadığına dair iddialarından razı deyilik.”
Baqai əlavə edib ki, Ukraynanın yüksək vəzifəli rəsmilərinin hücum faktını etiraf etdiyini nəzərə alaraq, Kiyev dəymiş ziyanı kompensasiya etməlidir:
“Əgər Ukrayna zərəri öz xoşu ilə ödəməsə, İran kompensasiyanın ödənilməsini təmin etmək üçün müvafiq addımlar atacaq.”
İzmedia.az
